Showing 12292 results

Cymeriadau'r Hen Destament, Cwestiynau ... ac anerchiad i'r Plant a'r Bobl ieuainc by the Reverend O. Gaianydd Williams (1865-1928), Ro Wen, 1926.

Gohebiaeth a chyhoeddiadau, 1999, yn ymwneud â'r ymgyrch i gael Cofrestrydd Cyffredinol i Gymru.

Pedwar llyfr nodiadau yn cynnwys drafftiau, 1973, o nofel arfaethedig gan y Parchedig William Williams, Machynlleth (m. 1985), tad y rhoddwr, am y Parchedig John Elias (1774-1841); ynghyd â'i nodiadau ymchwil.

Four notebooks containing drafts, 1973, of a proposed novel by the donor's father, the Reverend William Williams, Machynlleth (d. 1985) on the Reverend John Elias (1774-1841); together with research notes.

Grŵp o bapurau'r Parch. Evan Phillips (1829-1912), gweinidog gyda'r Methodistiaid Calfinaidd ac un o arweinwyr Diwygiad 1859 yng Nghymru, yn cynnwys cyfrolau llawysgrif o farddoniaeth, llyfrau nodiadau yn ymwneud â chrefydd, nodiadau pregethau, gohebiaeth, nodiadau bywgraffyddol, a phapurau amrywiol eraill.

Papurau'r Blew, 1967-2001, y grŵp pop Cymraeg cyntaf, gan gynnwys llythyron yn ymwneud â'u perfformiadau, 1967-1969, copïau o gyfweliadau ag aelodau o'r grŵp, hanes sefydlu'r Blew, copïau o ffotograffau a deunydd hyrwyddo, rhai papurau ariannol, 1967-1968, a ffeil sylweddol, 1978-2001, ar y sylw mae'r Blew wedi ei gael ers chwalu.

Papurau'n ymwneud â'r ymgyrch i sefydlu ysgol Gymraeg yng Nghaergybi. Rhoddwyd gan bwyllgor yr ymgyrch i sefydlu'r ysgol, trwy law'r Parchedig I. W. Gruffydd.

Deunydd yn ymwneud â mordeithiau aelodau Urdd Gobaith Cymru i wahanol wledydd ar fwrdd y llong Orduña rhwng 1934 a 1939, gan gynnwys rhestr o'r teithwyr, teithlyfrau, traethodau llawysgrif ynglyn â'r mordeithiau, ffotograffau a phapurau amrywiol eraill, gan gynnwys llythyr, 1950, yn gresynu bod yr Ail Ryfel Byd wedi rhoi terfyn ar y mordeithiau.

Llungopïau o bapurau'n ymwneud â John Murray Thomas (1847-1924) a ychwanegwyd at y rhai a roddwyd gan Olivia Hughes de Mulhall ym mis Medi 1975; yr oedd John Murray Thomas o Ferthyr Tudful yn wreiddiol ac ymfudodd i'r Wladfa ar y Mimosa gyda'r fintai gyntaf yn 1865. Casglwyd y papurau ynghyd gan Olivia Hughes de Mulhall, gwraig ei ŵyr, tra'n gweithio ar ei llyfr John Murray Thomas: pequeño hombre pero gran héroe para la historia de Chubut (Trelew, 1999), gydag adolygiadau, 2000, ohono. Ymhlith y papurau ceir rhannau o'i ddyddiaduron, 1877, 1878 ac 1893; ei gynllun o Gwm Hyfryd, 1885; ei ohebiaeth, 1888-1911, gan gynnwys deiseb a luniwyd ganddo, 1893, ynglŷn â hawliau tir; pedwar llythyr gwreiddiol at John Murray Thomas, 1895-1898, a chytundeb busnes gwreiddiol, 1893. Ceir papurau hefyd yn ymwneud â'i thad y bardd Morris ap Hughes, gan gynnwys enghreifftiau o'i farddoniaeth fel 'Cerdd ymson wrth feddrod Eluned [Morgan]' a 'Gwyl y Glaniad' mewn Sbaeneg; a chyfieithiadau o emynau adnabyddus Cymreig i'r Sbaeneg gan ei fab Osian Hughes, Eisteddfod Chubut 1988

Papurau, 1950-1972, yn ymwneud â Chymrodorion Brighton, Hove a'r Cylch wedi eu crynhoi gan Mr Eldon Smith, yr ysgrifennydd yn ystod y 1950au a'r 1960au, gan gynnwys cylchlythyrau, rhaglenni, cardiau aelodaeth a phapurau perthynol eraill.

Papurau'n ymwneud â changen Gwent o Undeb Cenedlaethol y Cymdeithasau Cymreig. Byrddau. Rhoddwyd gan y Parchedig J. S. Marcus Davies, Llanelli, Medi 1958.

Papurau'n eiddo i Miss Elizabeth Roberts, Nantiesin, Aberdyfi yn cynnwys nodiadau ar hanes lleol Aberdyfi, Huw Llwyd Cynfal, ac Arglwydd Corsygedol. (Gynt Bob Owen MS.) Rhwng byrddau. Prynwyd oddi wrth Bob Owen, Croesor, Tachwedd 1960.

Papurau'n dwyn y teitl 'Ardal Llangwnadl' a 'Crynhodeb o hanes y diweddar Barch. W. Williams, Pwllcrwn'. (Gynt Bob Owen MS.) Rhwng byrddau. Prynwyd oddi wrth Bob Owen, Croesor, Hydref 1959.

PapurauD. E[mrys] Lewis, Port Talbot, bardd coronog Eisteddfod Genedlaethol Castellnedd 1918, sy'n cynnwys drama anorffenedig ar gyfer plant a dwy gerdd. Rhwng byrddau. Rhoddwyd gan Dr Iorwerth Hughes Jones, Abertawe, Awst 1962. (Teipysgrifau.).

Papurau, cyfansoddiadau, etc yn ymwneud â Gwyl Lenyddol a Cherddorol Aberdaron. (Gynt Bob Owen MS.) Rhwng byrddau. Prynwyd oddi wrth Bob Owen, Croesor, Hydref 1959.

Deunydd perthynol i Richard Bennett, Cwm Pennant, Llanbryn-mair, yn cynnwys gwaith prydyddol, gohebiaeth, anerchiadau, llyfr nodiadau, a thorion o'r wasg, 1911-1969.

Papurau yn perthyn i neu'n ymwneud â'r Parchedig John Roberts (1781?-1853), gweinidog y Bedyddwyr ym Mhen-sarn (Sir Fôn), Fforddlas, a Llansilin. Rhwng byrddau. Rhoddwyd gan Miss Parry, Pontfadog, Wrecsam, Tachwedd 1963.

Papurau William Williams ('Gwilym Twrog') (1768-1836), yn cynnwys barddoniaeth a llythyrau. (Gynt A. E. Jones, Y Goppa MS.) Rhwng byrddau. Rhoddwyd gan Mrs A. E. Jones, Trawsfynydd, 1959-1961.

Cyfieithiadau i’r Gymraeg, 1958-1988, gan Trefor Williams (bu f. 1988), ysgolfeistr ym Mhorthmadog a Llandudno, o nifer o ddramâu Saesneg. Fe’i cyflwynwyd tros nifer o flynyddoedd mewn cystadlaethau cyfieithu yn yr Eisteddfod Genedlaethol o dan amrywiaeth o ffugenwau megis 'Tudur', 'Madog', a mwy. Ymhlith y casgliad mae copïau Saesneg o ddramâu ochr yn ochr â’u cyfieithiadau Cymraeg, e.e. 'Educating Rita' (Willy Russell 1947-) a 'Death of a Salesman' (Arthur Miller 1915-2005).
Yn wreiddiol o Drefor, sir Gaernarfon, bu Trefor Williams, ynghyd â J.T. Jones, yn gyfrifol am sefydlu Clwb y Garreg Wen, Porthmadog.

Cyfres o lythyrau a chardiau cyfarch oddi wrth J. T. Jones, wedi eu cyfeirio at Trefor Williams a’i deulu, ac at Owen Parry, ynghyd â deunydd coffadwriaethol am J. T. Jones a gasglwyd gan deulu’r rhoddwr; Chwefror 2025.