Ffeil Dyddiaduron John Alaska Davies. - Dyddiaduron,

Cant tri deg a saith o ddyddiaduron John Alaska Davies (yn fynych ceir mwy nag un dyddiadur ar gyfer un flwyddyn). Maent yn cynnwys cofnodion yn ymwneud â'i waith fel athro; pregethau a phregethwyr; gwasanaethau crefyddol Cymraeg ar y radio; sylwadau am y tywydd a thymheredd (nodir y tymheredd uchaf a'r isaf yn gyson); natur; garddio; digwyddiadau lleol; carcharorion rhyfel o'r Eidal; dogni ar fwyd; chwaraeon; llyfrau darllen; a ffilmiau. Ceir hefyd ei lyfrau nodiadau; dyddiadur, 1915, ei dad Thomas Davies (m. 1916); ei chwaer Rachel Ann Davies, 1915, gyda chyfraniadau helaeth gan John Alaska Davies; a'i fab Geraint, 1942, a gollodd ei fywyd mewn damwain awyren yn bedair ar bymtheg oed.