Showing 6 results

Rhyfel ni: profiadau Cymreig o ddwy ochr Rhyfel y Falklands/Malvinas 1982 (Llanrwst: Gwasg Carreg Gwalch, 2003). Ceir yn y ffeil ddeunydd yn ymwneud â'i ymweliadau â Phatagonia i holi teuluoedd milwyr Archentaidd o dras Gymreig.

Prif gynnwys y ffeil yw papurau, 1977-2009, yn ymwneud â William Samuel Jones (Wil Sam, 1920-2007), yn cynnwys deunydd gwreiddiol yn ei law, a theyrngedau. Mae yn y blwch hefyd un ffolder o ddeunydd, 1999-2000, yn ymwneud â'r gyfrol Elfed - Cawr ar Goesau Byr: atgofion am Elfed Lewys (2000).

Casgliad o bapurau ymchwil y newyddiadurwr, y darlledwr a'r awdur Ioan Roberts (1941-2019), Pwllheli. Maent yn adlewyrchu ei waith o baratoi nifer o gyfrolau, fel awdur neu olygydd, yn ystod rhan olaf ei fywyd: deunydd cofiannol megis Elfed: Cawr ar Goesau Byr (2000) a Philip Jones Griffiths: Ei Fywyd a'i Luniau (2017), a'r cyfrolau Achos y Bomiau Bach (2001), Rhyfel Ni: Profiadau Cymreig o Ddwy Ochr Rhyfel y Falklands/Malvinas (2003), a Pobol Drws Nesa: taith fusneslyd drwy Iwerddon (2008).

Deunydd a gasglwyd wrth baratoi'r llyfr taith Pobol Drws Nesa: taith fusneslyd drwy Iwerddon (Llanrwst: Gwasg Carreg Gwalch, 2008).

Deunydd a gasglwyd wrth baratoi Philip Jones Griffiths: Ei Fywyd a'i Luniau (Talybont: Y Lolfa, 2017), sef y cofiant cyntaf i'r gwrthrych mewn unrhyw iaith. Trosglwyddwyd dau micro-casette perthnasol o'r ffeil i'r Casgliad Clyweledol.

Deunydd a gasglwyd wrth lunio Achos y Bomiau Bach (Llanrwst: Gwasg Carreg Gwalch, 2001), cyfrol yn seiliedig ar achos cynllwynio Mudiad Sosialaidd Gweriniaethol Cymru yn Llys y Goron, Caerdydd yn 1983, achos yr oedd Ioan Roberts yn bresennol ynddo fel gohebydd BBC Radio Cymru. Mae'r ffeil yn cynnwys ei nodiadau llaw fer a gofnodwyd yn ystod yr achos. Trosglwyddwyd dau gaset perthnasol o'r ffeil i'r Casgliad Clyweledol.