Showing 361 results

Llyfr nodiadau 77 ff. yn cynnwys parhad o ddrafft llawysgrif trydedd bennod cofiant Idwal Jones, ff. 1-39, a rhan o'r bedwaredd bennod, ff. 40-67, ynghyd â nodiadau byrion a phenawdol ar gyfer trydedd, pedwaredd a phumed pennod, ff. 68-77.

Cyfres deipiedig, 29 ff., o gerddi digrif [ar gyfer anerchiad gan Gwenallt] dan y teitl 'Rhai Pethau Digrif ym Marddoniaeth Cymru'.

Cyfres deipiedig, 5 ff., o eiriau'r ddwy gân 'Profiadau Melys' a 'Profiadau Diflas' a luniwyd ar y cyd gan Idwal Jones a J. Lemuel Rees [gweler hefyd B 13-14], ynghyd â geiriau 'Optimistic Chorus' a 'Grand Finale'.

Sgript deipiedig o ddrama radio 'Breuddwyd Hafnos', cyfieithiad i'r Gymraeg gan Gwenallt o 'Midsummer Night's Dream' gan William Shakespeare, Mehefin 19[?], 33 ff.

Llyfr nodiadau 88 ff. yn cynnwys nodiadau, cyfeiriadau a dyfyniadau ar ganu arwrol yn bennaf, wedi eu cymryd o lyfrau a chylchgronau'r 19g. Ymdrinir â gwaith Klopstock, Dafydd ap Gwilym, Pedr Fardd, Dafydd Ionawr ac Islwyn, ac yn ogystal, ceir parhad o nodiadau ar Milton a geir mewn llyfr nodiadau arall.

Llyfr nodiadau 80 ff, yn cynnwys nodiadau [darlithiau] ar Wiliam Llyn, Siôn Tudur, Edmwnd Prys, Siôn Brwynog, Simwnt Fychan, Llywelyn Trefnant, Owain Gwynedd, Gruffudd Hiraethog, Siôn Philip, Tomos Prys, Gwilym Canoldref, William Salesbury, a rhyddiaith y 16g. a'r 17g. Ar y clawr cefn ceir toriad papur yn cynnwys adroddiad ar anerchiad Ellis Davies, AS, ar yr Esgob William Morgan.

Llyfr nodiadau 38 ff. yn cynnwys nodiadau ar limrigau Saesneg ynghyd â dyfyniadau, a nodiadau ar hiwmor, ff. 7-29; a nodiadau ar y ddrama, ff. 29-35.

Llyfr nodiadau 58 ff. yn dwyn y teitl 'Darlithiau'r Borth', yn cynnwys nodiadau darlithiau [Adran Efrydiau Allanol Coleg Prifysgol Cymru, Aberystwyth] ar T. Gwynn Jones, ff. 1-8; W. J. Gruffydd, ff. 9-21: R. Williams Parry, ff. 22-34: T. H. Parry-Williams, ff. 34-40; Syr John Morris-Jones, ff. 40-5; Eifion Wyn, ff. 46-50 a 56-8; a Cynan, ff. 51-5.

Llyfr nodiadau 30 ff. yn cynnwys ymarferion cyfieithu o Saesneg i Gymraeg [yn llaw John Thomas], ff. 1-6; nodiadau [yn llaw Gwenallt, c.c.] ar nofelau a nofelwyr y 19g., ynghyd â dyfyniadau, ff. 7-21; nodiadau [darlithiau] ar Kate Roberts, ff. 22-6, Tegla Davies, ff. 26-8, a 'Y Stori Fer', ff. 28-30.

Llyfr nodiadau 99 ff. yn cynnwys nodiadau [darlith] ar Ellis Wyn a Gweledigaethau y Bardd Cwsg, ff. 1-25, a nodyn pum llinell ar lyfr Almaeneg, f. 26.

Llyfr ariannol gwag 101 ff. heblaw am y canlynol ar f. 1: 'John Llewelyn Jones Cash Book Comm February 8th 1916'.