Dangos 57680 canlyniad

Adeiladwyd y capel cyntaf yn 1826 wrth droed y Gyrn Goch, yn ymyl y ffordd rhwng Clynnog-fawr a Llanaelhaiarn. Cyn hynny roedd yr eglwys yn cyfarfod yn nhŷ Griffith Williams, Hen Derfyn, a oedd ar y ffin rhwng plwyfi Clynnog-fawr a Llanaelhaiarn. Cafwyd tir ar brydles am gant ac un o flynyddoedd am chwe swllt y flwyddyn ar gyfer adeiladu capel a thŷ capel. Roedd capel Seion yn daith gyda'r Capel Uchaf a Brynaerau, yn Nosbarth Clynnog, Arfon, ond pan gychwynnodd achos yn y Pentref aeth Seion yn daith gyda'r Pentref a Chapel Uchaf. Adeiladwyd capel a thŷ diweddarach ar y safle yn 1875. Caewyd y capel yn 2000.

Adeiladwyd Capel Seion, Ysbyty Ifan, Tir Ifan, yn 1803, ac fe ailadeiladwyd y capel yn 1855. Mae Capel Seion, a elwir hefyd yn Capel Mawr, yn perthyn i Ddosbarth Machno, Henaduriaeth Dyffryn Conwy.

Adeiladwyd Capel Stryt y Rhos ym 1789. Bu Thomas Jones Dinbych, y Parch. John Jones, mab Edward Jones, Maes y Plwm, a Robert Ambrose Jones (Emrys ap Iwan) yn gysylltiedig â'r capel yn eu tro. Tyfodd wyth o achosion yr ardal o'r eglwys hon. Cynhaliwyd y gwasanaeth olaf ynddo ym 1891 pan symudwyd i gapel newydd yn y dref a elwid Y Tabernacl. Ar ôl hyn bu'r capel yn ganolfan ar gyfer yr Ysgol Sul a gweithgareddau eraill hyd 1944.

Adeiladwyd y Capel cyntaf tua 1793. Erbyn 1836 roedd yr adeilad wedi dechrau adfeilio ac o ganlyniad fe godwyd yr ail Gapel yn y flwyddyn honno. Yn 1843, prynwyd darn o dir yn ymyl y Capel i godi Tŷ Capel, ac yn 1857 fe adeiladwyd Tŷ Ysgol. Fe agorwyd y Capel presennol, sef y trydydd adeilad, ym mis Medi 1864. Ni restrir y Capel ym Mlwyddiadur a Dyddiadur Eglwys y Methodistiaid Calfinaidd 2008.

Sefydlwyd Eglwys Carmel, Abercrâf, Brycheiniog, yn 1897. Codwyd adeilad yn 1898.